Maškarani tanac pod sopile ove nedjelje u Polju

“Već su pronte domaće kobasice (ne od butige niti od mesnice!), rizat ćemo pršut, bit će domaćega kruha i dobre žlahtine”

U nedjelju, 08. veljače od 16 do 22 sata u domu u Polju održat će se Maškarani tanac pod sopile.

“Dragi sopci, kanturi, poštovatelji naše vridne tradicije, i svi ljudi dobre volje. Posvuda su fešte od maškar a Udruga sopaci i kanturi se prontiva udelat mesopusni tanac onako kako je to bilo prije puno, puno let; sost će nan samo sopile, kantat će se i tancat. Već su pronte domaće kobasice (ne od butige niti od mesnice!), rizat ćemo pršut, bit će domaćega kruha i dobre žlahtine. Jist i pit na volju a svaki dobrovoljni prilog je dobrodošal!” kažu iz Udruge i dodaju:

“Pridite se zabavit, tancat pod sopile i kantat snami. Bit će nan lipo kako i pasanih let. Pridite nan dat kuraja u Dom Polje, nedilju 8. 2. od 16:00 do 22:00”.